Sabah Putinlə Trampın telefon danışığı gözlənilir

ABŞ prezidenti Donald Tramp rusiyalı həmkarı Vladimir Putinlə çərşənbə axşamı, martın 18-də danışmaq niyyətində olduğunu açıqlayıb. Bu barədə Reuters məlumat yayıb. 

"Düşünürəm ki, Rusiya ilə yaxşı işimiz var. Bəlkə çərşənbə axşamına qədər nəsə elan edəcəyik. Mən çərşənbə axşamı prezident Putinlə danışacağam", - Tramp bildirib. 

Amerika prezidentinin sözlərinə görə, söhbət zamanı o, ərazilərə və atom elektrik stansiyalarına nəzarət məsələsini qaldırmaq niyyətindədir.

O, həmçinin qeyd edib ki, həftəsonu ərzində çox iş görülüb və Ukraynada münaqişəyə son qoymaq üçün çox yaxşı şans var.

Dünən Amerika liderinin xüsusi nümayəndəsi Stiv Vitkov bildirib ki, iki lider arasında söhbət gələn həftə baş tuta bilər. O, həftələr ərzində atəşkəs razılaşmasının əldə olunacağını gözləyir. 

Gülnar