Ər-Riyadda Ukrayna və ABŞ arasında danışıqlar başa çatıb

Səudiyyə Ərəbistanının paytaxtı Ər-Riyadda ABŞ və Ukrayna nümayəndələrinin görüşü başa çatıb.Bu barədə müdafiə naziri Rüstəm Umerov sosial şəbəkədə bildirib.

O, müzakirələrin “məhsuldar və konkret” olduğunu vurğulayıb.

“Prezident Volodimir Zelenskinin məqsədi ölkəmiz və xalqımız üçün və daha geniş mənada bütün Avropa üçün ədalətli və davamlı sülh təmin etməkdir. Biz bu məqsədi reallığa çevirmək üçün çalışırıq”, – Umerov qeyd edib.

Müdafiə nazirindən başqa, danışıqlarda Ukrayna Prezidentinin Ofisinin rəhbər müavini Pavlo Palisa da iştirak edib. Amerika nümayəndə heyətinə Dövlət Departamentinin siyasi planlaşdırma direktoru Maykl Anton, həmçinin Ukrayna üzrə xüsusi elçi Kit Kelloq və prezidentin milli təhlükəsizlik məsələləri üzrə müşaviri Mayk Uoltsın köməkçiləri daxil olub.

Məsləhətləşmələrin iki saata yaxın davam etdiyi bildirilir.Görüşlə bağlı hələ ki, əlavə məlumat verilməyib.