“Red Wings” Moskvadan Bakıya müntəzəm uçuşları bərpa edəcək

Rusiyanın “Red Wings” aviaşirkəti Moskva yaxınlığındakı Jukovski hava limanından Bakıya birbaşa müntəzəm uçuşları bərpa edəcək.

Bu barədə aviadaşıyıcının mətbuat xidməti məlumat yayıb.

İlk uçuş aprelin 27-nə planlaşdırılıb.

Aviareyslər həftədə iki dəfə - çərşənbə və bazar günləri həyata keçiriləcək, təyyarə yerli vaxtla saat 16:20-də yola düşəcək, saat 21:40-da isə əks istiqamətdə uçacaq. Uçuş müddəti təxminən 3,5 saat təşkil edəcək.