Danimarkada qadınlar həqiqi hərbi xidmətə çağırılacaq

Danimarka hökuməti qadınlar üçün məcburi hərbi xidmət tətbiq edir. İyulun 1-dən etibarən yetkinlik yaşına çatan danimarkalı qadınlar hərbi xidmətə çağırılacaq.

Bu addım, könüllü müraciətlərin azlığını kompensasiya etmək üçün lotereya sistemindən istifadə edilməklə həyata keçiriləcək.

Danimarkanın müdafiə naziri Troels Lund Poulsen bildirib ki, 18 yaşına çatan qadınlar iyul ayında – əvvəlcədən planlaşdırılandan xeyli tez hərbi xidmətə cəlb oluna bilər.

Nazir əlavə edib ki, ölkədəki müdafiə və təhlükəsizlik sahəsindəki mövcud vəziyyət silahlı qüvvələrin daha çox çağırışçı qəbul etməsini tələb edir. 2025-ci il iyulun 1-dən qadın və kişilər arasında hərbi xidmətə çağırış baxımından tam bərabərlik təmin olunacaq.