Gürcüstanda “Xarici agentlər haqqında" qanun təsdiqlənib

Gürcüstan parlamentində “Xarici agentlər haqqında" qanunu üçüncü oxunuşda qəbul edilib.

Bu barədə Gürcüstan mediasında bildirilib.

Məlumata görə, qanunun lehinə 86 deputat səs verib.

2024-cü ilin aprelində Gürcü Arzusu partiyası bir il əvvəl ləğv edilən "xarici agentlər haqqında qanunu” yenidən parlamentə təqdim edib. Həmin vaxt İvanişvili partiyası QHT-lərin hökuməti maliyyə şəffaflığı mövzusunda aldatdığını iddia edərək qanun layihəsini yenidən gündəmə gətirib. 

Gürcüstan parlamentinin 10-cu çağırışı böyük etiraz aksiyaları, müxalifət və beynəlxalq tərəfdaşların kəskin tənqidinə baxmayaraq, Prezident Salome Zurabişvilinin vetosunu aşaraq "Xarici təsirin şəffaflığı haqqında” qanunu qəbul etmişdi. Bu qanun Rusiya modelinə əsaslanan "xarici agentlər haqqında qanun” kimi tanınır.

Aytac