İsrail ordusu Qəzzada daha bir qruplaşma liderini məhv edib

İsrail ordusu Bibas ailəsinin oğurlanmasında iştirak edən Kataib əl-Mücahidin komandirini məhv edib.Bu barədə İsrail ordusunun mətbuat xidməti məlumat yayıb.

Bildirilib ki, İsrail ordusu və Baş Təhlükəsizlik Xidməti (Şin Bet) Qəzza zolağının şimalına zərbə endirib, nəticədə Kataib əl-Mücahid qruplaşmasının yüksək rütbəli hərbi komandiri Məhəmməd Avad məhv edilib.

Avad bir sıra cinayətlərdə, o cümlədən 7 oktyabr 2023-cü ildə İsrailə edilən hücumlarda, həmçinin Şiri, Kfir və Ariel Bibas da daxil olmaqla, İsrail vətəndaşlarının qaçırılmasında iştirak edib. Bundan əlavə, Avad terror hücumlarının təşkilində iştirak edib və İordan çayının qərb sahilində yeni yaraqlılar cəlb edib.