ABŞ-dəki ukraynalılara ölkəni tərk etmək bildirişi göndərilib

ABŞ-də humanitar proqramlar çərçivəsində olan bir neçə Ukrayna vətəndaşı ölkəni tərk etmək tələbi ilə səhvən elektron məktub alıb.Bu barədə "Reuters" agentliyi xəbər verir.

Məktubda bildirilib ki, "əgər siz ABŞ-ni dərhal tərk etməsəniz, hüquq-mühafizə orqanları tərəfindən sizə qarşı tədbirlər görülə bilər, bu da sizin ölkədən çıxarılmanızla nəticələnəcək". Neçə nəfərin elektron məktub aldığı bəlli deyil.

ABŞ Daxili Təhlükəsizlik Nazirliyi məktubların təsadüfən göndərildiyini və 2022-ci ildə Ukraynada tammiqyaslı hərbi əməliyyatların başlamasından sonra tətbiq edilən humanitar proqramın qüvvədə qaldığını bəyan edib. Onun çərçivəsində 240 min ukraynalı ABŞ-də hüquqi status alıb.