Maskın gəlirləri kəskin şəkildə azalıb

Tesla və SpaceX-in sahibi İlon Maskın sərvəti 2024-cü ildən bəri ilk dəfə 300 milyard dollardan aşağı düşüb. Bunu Bloomberg yazıb. 

"Musk bazar ertəsi günü Tesla səhmləri ucuzlaşmağa davam etdikdən sonra 4,4 milyard dollar itirib və onun ümumi sərvəti 297,8 milyard dollar olub", - hesabatda deyilir.

Ümumilikdə, Mask 2025-ci ilin əvvəlindən bəri 134,7 milyard dollar itirib.

ABŞ prezidenti Donald Trampın bir sıra ölkələrə idxal rüsumlarını elan etməsindən sonra dünyanın ən zəngin insanları ümumilikdə 208 milyard dollar itirib. Musk Tesla səhmlərinin 5,47% ucuzlaşması nəticəsində 11 milyard dollar itirib. Meta şirkətinin təsisçisi Mark Zukerberq 17,9 milyard dollar və ya sərvətinin təxminən 9%-ni itirib. Amazon-un qurucusu Ceff Bezosun sərvəti 15,9 milyard dollar, şirkətin səhmləri isə təxminən 9% ucuzlaşıb.

Gülnar