BRİKS-ə üzv ölkələrin görüşü Brazilyada keçiriləcək

BRİKS- ə üzv ölkələrin xarici işlər nazirlərinin görüşü aprelin 28-29-da Rio-de-Janeyroda keçiriləcək. Bu barədə TASS -a Rusiyanın Braziliyadakı  səfiri Aleksey Labetski məlumat verib.

Rusiya tərəfi tədbirə fəal şəkildə hazırlaşır.

O əlavə edib ki, eyni zamanda Braziliyanın paytaxtında ətraf mühitin mühafizəsi və süni intellektlə bağlı görüşlər keçirilir.

BRİKS qrupu 2006-cı ildə Braziliya, Rusiya, Hindistan və Çin tərəfindən yaradılıb, Cənubi Afrika isə 2011-ci ildə ona qoşulub. 1 yanvar 2024-cü ildə Misir, Efiopiya, İran, Səudiyyə Ərəbistanı, Birləşmiş Ərəb Əmirlikləri onun tam hüquqlu üzvü olub. Rusiyanın assosiasiyaya sədrliyinin əsas hadisəsinə çevrilən 16-cı BRİKS sammiti oktyabrın 22-24-də Kazanda baş tutub. Sammitdə BRİKS-ə üzv ölkələrin liderləri ilə yanaşı, BMT-nin baş katibi Antonio Quterreş və Türkiyə və Fələstin kimi BRİKS-ə üzv olmayan bir sıra dövlətlərin başçıları da iştirak ediblər.

Aytac