ABŞ İranın nüvə proqramına sanksiya tətbiq edib

ABŞ İranın nüvə proqramına sanksiyalar tətbiq edib.Bu barədə ABŞ Maliyyə Nazirliyi bəyanat yayıb.

Nazirlik İslam Respublikasının nüvə proqramını dəstəklədiyi üçün İranın 5 qurumuna və bir fiziki şəxsə sanksiya tətbiq etdiyini açıqlayıb.

Bildirilib ki, sanksiyaların məqsədi İslam Respublikasının nüvə silahı əldə etməsinin qarşısını almaqdır.

Sanksiya tətbiq edilən qruplara İranın Atom Enerjisi Təşkilatı və onun tabeliyində olan İran Sentrifuqa Texnologiyaları Şirkəti daxildir.

"İran rejiminin nüvə silahına can atması ABŞ üçün ciddi təhdid, regional sabitlik və qlobal təhlükəsizlik üçün risk olaraq qalır. ABŞ Xəzinədarlığı İranın nüvə proqramını və daha geniş sabitliyi pozan gündəmini inkişaf etdirmək cəhdini pozmaq üçün səlahiyyətlilərimizdən istifadə etməyə davam edəcək”, - Maliyyə Naziri Scott Bessent bildirib.