İranın Beyrutdakı səfiri Livan XİN-ə çağırılıb

İranın Beyrutdakı səfiri Moctaba Amani Livan Xarici İşlər Nazirliyinə çağrılıb.Bu barədə “Al-Arabiya” telekanalı məlumat yayıb.

Səfirdən Tehranın Livanın daxili işlərinə müdaxilə etməməsi tələb edilib.

Amani ilə söhbət zamanı Livan hökuməti ölkələrin suverenliyinə dair "diplomatik protokola riayət etməyin" vacibliyini vurğulayıb.

Telekanalın məlumatına görə, daha əvvəl İranın Beyrutdakı səfiri "Hizbullah" hərəkatının tərk-silah olunması ilə bağlı fikir bildirib.