Avropanın 4 ölkəsi işıqsız qalıb

Avropanın 4 ölkəsi- Fransa, Belçika , İspaniya və Portuqaliya işıqsız qalıb.  Bu barədə Ria Novosti məlumat yayıb. 

Belə ki, bütün İspaniyada qatarların, o cümlədən metronun hərəkəti dayandırılıb, işıqforlar və bəzi hava limanları fəaliyyətini dayandırıb. Naməlum səbəbdən ölkədə elektrik enerjisi istehlakı 25 184 meqavatdan 12 425 meqavata düşüb. Hələlik baş verənlərlə bağlı rəsmi açıqlama yoxdur.

Fransada elektrik enerjisinin kəsilməsi bütün ölkəyə deyil, yalnız Burgundiyaya təsir edib.

Bundan əvvəl bir sıra Avropa ölkələrində elektrik enerjisinin qiyməti Almaniyanın günəş elektrik stansiyalarında elektrik enerjisi istehsalının yüksək həcminə görə sıfırdan aşağı düşüb. Hollandiya və Belçikada da elektrik enerjisinin qiymətləri sıfırdan aşağı düşüb.

Aytac