Limandakı partlayışın səbəbi diversiya ola bilər - İran hakimiyyəti

İran hakimiyyəti Şəhid Rəcai limanında baş verən partlayışın səbəbləri sırasında diversiya və ya FPV dronları ilə hücum ehtimalını da nəzərdən keçirir. Bu barədə İran Məclisinin milli təhlükəsizlik və xarici siyasət komitəsinin üzvü Məhəmməd Mehdi Şəriyari bildirib. Bu barədə TASS məlumat verib. 

“Hadisə FPV tipli dronların hücumu və ya kənardan sızan şəxslərin iştirakı ilə həyata keçirilən diversiya nəticəsində baş verə bilər. Əsas versiyalardan biri də budur ki, bu, FPV dron hücumu və ya diversantların sızması ilə bağlı diversiya olub”, – deyə deputat Rouydad 24 portalına müsahibəsində qeyd edib.

Xatırladaq ki, aprelin 26-da Bəndər-Abbas şəhərində yerləşən Şəhid Rəcai limanında güclü partlayış baş verib. İran Daxili İşlər Nazirliyi hadisəyə səbəb kimi səhlənkarlığı göstərmişdi. Partlayış və sonrakı yanğın nəticəsində 70 nəfər həyatını itirib.