İspaniyada elektrik probleminə görə ölənlər var

İspaniyada elektrik enerjisinin kəsilməsi nəticəsində azı 5 nəfər ölüb.Bu barədə “El Pais” nəşri məlumat yayıb.

“Azı beş nəfər irimiqyaslı elektrik kəsilməsi ilə bağlı üç müxtəlif səbəbə görə ölüb”, - məlumatda bildirilir.

Valensiya əyalətində yerləşən Alzira şəhərinin sakini oksigen aparatının işləməməsi nəticəsində dünyasını dəyişib. Madridin cənubunda evdə baş verən yanğında isə bir qadın ölüb. Yanğına şamın səbəb ola biləcəyi deyilir.

Elektrik kəsintisi probleminə görə, daha 13 nəfərin xəsarət aldığı bildirilir.