Ermənistanda hərbi xidmətə çağırış yaşı artırıla bilər

Ermənistanda həqiqi hərbi xidmətə çağırış üçün maksimum yaş həddinin 27-dən 37-yə artırılması təklif edilir.Bu təşəbbüslə ölkənin hakim “Vətəndaş müqaviləsi” partiyasının deputatı Hayk Sarkisyan çıxış edib. 

Təklif çərçivəsində “Hərbi xidmət və hərbi qulluqçunun statusu haqqında” Qanuna dəyişikliklər edilməsi planlaşdırılır. 

Hərbi xidmət üçün yaş həddinin artırılması ilə yanaşı, 18 yaşına qədər vətəndaşlığını dəyişən kişilər üçün 15 milyon dram (təqribən 40 min dollar) həcmində rüsum təyin edilməsi təklif edilir. Bildirilir ki, bu, hərbi xidmətdən yayınan 27 yaşdan yuxarı vətəndaşlara cinayət məsuliyyətindən azad olmağa imkan verəcək.