Tramp Rusiyada vətənə xəyanətdə təqsirli bilinən balerina ilə Ağ Evdə görüşəcək

ABŞ prezidenti Donald Tramp Ağ Evdə məhbus mübadiləsi çərçivəsində Moskva tərəfindən Vaşinqtona köçürülən balerina Kseniya Karelina ilə görüşəcək. Bu barədə NBC telekanalı məlumat yayıb .

“Bu gün Trampın Ağ Evdə keçən ay Rusiya həbsxanasından azad edilmiş rus əsilli amerikalı balerina Kseniya Karelina ilə görüşü planlaşdırılır”, - telekanalın saytında bildirilir.

Rusiya və ABŞ aprelin 10-da səhər  Əbu-Dabidə əsir mübadiləsi aparıblar . Moskva ABŞ və Rusiya vətəndaşı Kseniya Karelinanı azad edib . 2024-cü ildə o, ciddi rejimli cəzaçəkmə müəssisəsində 12 il müddətinə azadlıqdan məhrum edilib. Qadın ABŞ-dakı Ukrayna təşkilatına 100 dollardan az pul köçürdüyünə görə vətənə xəyanətdə təqsirli bilinib.

Vaşinqton da öz növbəsində Almaniya və Rusiya vətəndaşı olan Artur Petrovu azadlığa buraxıb. O, 2023-cü ilin avqustunda Kiprdə Rusiya Silahlı Qüvvələri üçün silah istehsalı üçün nəzərdə tutulan mikroelektronikanın iddia edilən ixracına görə Amerika hakimiyyətinin tələbi ilə saxlanılıb.

Gülnar