İranda qum fırtınası səbəbindən məktəblər bağlanıb

İranın bəzi şəhərlərində qum fırtınasının yaratdığı hava çirklənməsi səbəbindən məktəblər bağlanıb.Bu barədə İRNA xəbər verir.

Ölkənin qərbinə təsir edən qum fırtınası səbəbindən bu gün Kürdüstan və Zəncan əyalətlərində məktəblər, Təbriz şəhərində bütün dövlət qurum və təşkilatları, banklar bağlanıb.

Meteoroloqların verdiyi açıqlamaya görə, qum fırtınasının bu gün paytaxt Tehrana çatacağı gözlənilir.