“Starlink”in daha 26 internet peyki orbitə çıxarılıb

“Falcon 9” raket daşıyıcısı “Starlink” sisteminin qlobal internet əhatə şəbəkəsinin orbital qruplaşmasını artırmaq üçün 26 mini-peykdən ibarət partiyanı uğurla orbitə çıxarıb.Bu barədə peyklərin istehsalçısı olan “SpaceX” şirkəti məlumat yayıb.

Məlumata görə, raket Bakı vaxtı ilə 17:43-də Kaliforniyadakı ABŞ Kosmik Qüvvələrinin Vandenberq Hərbi Hava Qüvvələri bazasında SLC-4E buraxılış meydançasından buraxılıb.

Təxminən bir saat sonra peyklər daşıyıcı aparatın ikinci hissəsindən ayrılaraq orbitə daxil olublar.

Qeyd olunur ki, ikinci dəfə istifadə edilən reaktiv daşıyıcının təkrar istifadə oluna bilən birinci hissəsi Sakit Okeandakı “Of Course I Still Love You” dəniz dron-platformasına idarə olunan şaquli eniş edib.