Fransa kəşfiyyatından qeyri demokratik tələb

Bu ilin yazında Fransanın xarici kəşfiyyat idarəsinin rəhbəri Nikola Lerner Teıegram kanalının qurucusu Durovdan Rumıniyada keçiriləcək prezident seçkiləri öncəsi konservativ səsləri susdurmağı xahiş edib.Bu barədə Telegram-ın qurucusu Pavel Durov bildirib.

"Bu yaz, Hotel de Crillon-da Fransa kəşfiyyatının rəhbəri Nikola Lerner məndən Rumıniyada seçkilərdən əvvəl konservativ səsləri bloklamağı istədi. Mən isə imtina etdim,” — Durov X platformasında yazıb.

Fransa Xarici İşlər Nazirliyi mayın 18-də Durovun Telegram kanalında paylaşdığı həmin iddianı təkzib edərək “saxta xəbər” adlandırıb.

Durov paylaşımında “Qərbi Avropa ölkəsinin” Telegram-a müraciət edərək Rumıniyada mühafizəkar səslərin qarşısını almağı istədiyini bildirmiş, paylaşımına isə çörək (baget) emojisi əlavə etmişdi — bu isə izləyicilər tərəfindən Fransaya işarə kimi qəbul olunub.

“Biz nə Rusiyada, nə Belarusda, nə də İranda etirazçıları susdurduq. Avropada da bunu etməyəcəyik,” — deyə Durov bildirib.

Rumıniyada keçirilən prezident seçkilərinin ikinci turunda liberal Buxarest meri Nikuşor Dan 54,2% səslə liderlik edir. Onun əsas rəqibi — sağçı AUR partiyasının lideri Corce Simion isə 45,8% səs toplayıb.

N.Təbrizli