Ağ Ev İsrailə yardım ultimatumuna dair xəbərləri təkzib etdi

Ağ Ev bazar günü Washington Post qəzetinin ABŞ-ın İsrailə Qəzza müharibəsini dayandırmasa, hərbi və iqtisadi yardımı dayandıracağı barədə xəbərini qəti şəkildə təkzib edib.

Ağ Evin sözçüsü Karolin Leavitt bu məlumatı “saxta xəbər” adlandıraraq, nəşri Bayden administrasiyasının xarici siyasətini sabotaj etməkdə ittiham edib.

“Prezident qəzəbləndi… Biz hər zaman İsrailin yanında olacağıq”, —  o bildirib.

ABŞ-ın İsraildəki səfiri Mayk Hakkabi də məqaləni “cəfəngiyyat” adlandırıb.

Eyni zamanda Fransa, Böyük Britaniya və Kanada bəyan ediblər ki, İsrail Qəzzaya humanitar yardımın qarşısını almağa və hərbi əməliyyatları davam etdirməyə davam edərsə, “konkret tədbirlər” görəcəklər.

Liderlər İsraili münaqişəni qeyri-proporsional şəkildə gərginləşdirməkdə ittiham edib və Fələstin dövlətinin yaradılmasını dəstəklədiklərini bildiriblər.

Bu fonda İsrail hökumətindəki mənbə bildirib ki, Baş nazir Benyamin Netanyahu Qəzzaya humanitar yardımın bərpasına razılıq verib və bunu “texniki addım” kimi təqdim edib. Həmin mənbənin sözlərinə görə, Donald Tramp komandasının təzyiqi də son günlərdə artıb.

N.Təbrizli