Mask vəzifəsini tərk edir

Amerikalı sahibkar Elon Mask ABŞ Prezidenti Donald Trampın Hökumətin Effektivliyi Departamentinin (DOGE) işinə nəzarət etdiyi administrasiyanı tərk edir. Bu barədə Mask öz "X" hesabında yazıb. 

"Xüsusi dövlət işçisi kimi planlaşdırdığım müddətim başa çatdıqda, israfçı xərcləri azaltmaq imkanına görə prezident Donald Trump-a təşəkkür etmək istərdim", - Mask X-də yazıb.

O, DOGE-nin missiyasının zaman keçdikcə daha da güclənəcəyinə əmin olduğunu bildirib.

ABŞ qanunlarına görə, Maskın yanvarın 20-də aldığı müvəqqəti dövlət işçisi statusu mayın 30-da başa çatmalı idi. Bununla belə, dəqiq tarix faktiki işlədiyi günlərin sayından asılı olaraq dəyişə bilər.

Tramp administrasiyasındakı Associated Press və Bloomberg mənbələri Maskın Ağ Evi tərk etdiyini təsdiqləyib. Rəsmilərdən biri bildirib ki, işdən çıxarılma prosesi mayın 28-i çərşənbə günü axşam başlayıb.Onun sözlərinə görə, Mask bu qərarı müstəqil qəbul edib və prezidentdən dəstək alıb.

Gülnar