Amerika təyyarəsi İsrail hava limanına enə bilməyib - İDDİA

ABŞ Hərbi Hava Qüvvələrinin nəqliyyat təyyarəsi husilərin raket hücumu səbəbindən İsrailin Ben Qurion hava limanına enə bilməyib. Bu barədə husilərin sözçüsü Yahya Sari məlumat verib.

“Raket qüvvələri hərbi əməliyyat keçirərək Lod hava limanını (Ben Qurion hava limanı nəzərdə tutulur) ‘Fələstin-2’ tipli hipersəsli ballistik raketlə vurub,” –  Sari husilərə məxsus Al Masirah telekanalında bildirib.

Onun sözlərinə görə, hücum nəticəsində Amerika hərbi nəqliyyat təyyarəsinin enməsi artıq ikinci gündür ki, qarşısı alınıb.