Cənubi Afrikada yağan qar 60-a yaxın insanın həyatına son qoyun

Cənubi Afrika Respublikasında (CAR) son üç gündə qar, leysan və daşqınlarla müşayiət olunan sərt hava şəraiti nəticəsində azı 57 nəfər həyatını itirib.Bu barədə xarici KİV-lər xəbər verir.

Hakimiyyət orqanlarının məlumatına görə, ölənlərin əksəriyyəti Şərqi Keyp əyalətindəndir.Təbii fəlakət nəticəsində itkin düşənlər də var. Regionda tüğyan edən qasırğa nəticəsində Şərqi Keyp və Kvazulu-Natal əyalətlərində minlərlə ailə evsiz qalıb, 150-dən çox məktəbə ziyan dəyib.

Həftənin əvvəlində Cənubi Afrika Respublikası soyuq hava kütlələrinin təsirinə məruz qalıb. Gecə saatlarında bəzi rayonlarda havanın temperaturu sıfır dərəcədən aşağı düşüb. Sinoptiklər bu il ölkədə son dövrlərin ən sərt qışının keçəcəyi barədə xəbərdarlıq edirlər.