Təyyarə qəzasında sağ qalan sərnişin danışdı

Hindistanın qərbində qəzaya uğrayan “Air India” aviaşirkətinə məxsus “Boeing 787” təyyarəsinin bir sərnişini sağ qalıb.

Sağ qalan sərnişinin Britaniya vətəndaşı Vişvas Kumar Rameş olduğu müəyyən edilib.

Jurnalistlərə verdiyi qısa müsahibədə Vişvas qəza anlarını belə xatırlayıb:

"Uçuşdan otuz saniyə sonra güclü səs eşidildi və sonra təyyarə qəzaya uğradı.Ayağa qalxanda ətrafımda cəsədlər var idi. Qorxdum,ayağa qalxdım və qaçdım. Ətrafımda təyyarənin parçaları var idi. Kimsə məni tutub təcili yardım maşınına mindirib xəstəxanaya gətirdi”.

O bildirib ki, qardaşı Acay təyyarədə başqa sırada əyləşib.

"O, mənimlə səyahət edirdi və mən onu daha tapa bilmirəm. Xahiş edirəm, onu tapmaqda mənə kömək edin".