Rusiya Almaniya ilə hərbi əməkdaşlıq sazişindən çıxır

Rusiya 1996-cı ildə Almaniya ilə imzaladığı hərbi-texniki əməkdaşlıq sazişindən çıxmağa hazırlaşır. Bu barədə Rusiya Xarici İşlər Nazirliyi məlumat yayıb.

“1996-cı il  iyunun 14-də imzalanan Rusiya Federasiyası və Almaniya Federativ Respublikası hökumətləri arasında hərbi-texniki əməkdaşlıq haqqında razılaşma hazırkı şəraitdə mənasını və praktiki əhəmiyyətini tam itirib, ikitərəfli münasibətlərin real durumuna uyğun gəlmir,” –  nazirliyin bəyanatında bildirilir.

XİN bəyan edib ki, bu qərar Almaniya hakimiyyətinin “açıq şəkildə düşmənçilik” və “artmaqda olan militarist meyilləri” fonunda qəbul edilib.

Rusiya tərəfi sazişdən çıxmaq üçün daxili hüquqi prosedurları başladığını bildirib.