Türkiyə ordusu İranla sərhəddə təhlükəsizlik tədbirlərini gücləndirib

Türkiyə Silahlı Qüvvələri İranla olan sərhəd xəttində təhlükəsizlik tədbirlərini gücləndirib. Bu barədə ölkənin Müdafiə Nazirliyi məlumat yayıb.

Qurumun məlumatına görə, dövlət sərhədlərinin qorunması üçün ən müasir texniki sistemlərdən istifadə olunur və qoşunlar 24 saat fasiləsiz xidmət aparır. İranla sərhəddə nəzarətsiz miqrasiya halları qeydə alınmayıb.

Müdafiə Nazirliyi, həmçinin İsrailin Qəzza, Livan, Suriya və İrana qarşı həyata keçirdiyi hərbi əməliyyatların bölgədəki kövrək sabitliyi pozduğunu bildirib və İsraili gərginliyi artıran ritorikadan və hücumlardan çəkinməyə çağırıb.

Nazirlik əlavə edib ki, Türkiyə bütün hava məkanını qorumaq üçün milli mərhələli hava hücumundan müdafiə sistemini inkişaf etdirir.