Ərdoğan Paşinyanla görüşüb - Yenilənib

Türkiyə Prezidenti Rəcəb Tayyib Ərdoğan İstanbulda Ermənistanın Baş naziri Nikol Paşinyanla görüşüb.

Görüş zamanı Cənubi Qafqazda sülh və dialoq prosesi, eləcə də regionla bağlı cari proseslər, xüsusilə Türkiyə və Ermənistan arasındakı təmaslar müzakirə edilib.

Ərdoğan Azərbaycan və Ermənistan arasında sülh danışıqlarında əldə olunan razılaşmanın hazırkı konyukturada əhəmiyyətinə diqqət çəkib,Türkiyənin bölgənin inkişafı məqsədilə həyata keçirilən səylərə hər cür dəstəyi verməyə davam edəcəyini bildirib.

Görüşdə Türkiyə ilə Ermənistan arasında normallaşma prosesi çərçivəsində atılacaq mümkün addımlar da müzakirə edilib.

Ərdoğan Türkiyənin təkcə Qafqazda deyil, bütün bölgədə sabitliyin bərqərar olması üçün diplomatiyanın bütün vasitələrindən istifadə etdiyini qeyd edib. O, İsrail - İran münaqişəsinin yaratdığı riskləri aradan qaldırmaq üçün liderlərlə təmaslarını davam etdirdiyini bildirib.

20:08

İstanbul şəhərində Türkiyə Prezidenti Rəcəb Tayyib Ərdoğanla Ermənistanın baş naziri Nikol Paşinyan arasında görüş başlayıb.Bu barədə TRT telekanalı məlumat yayıb.

İki liderin məhdud tərkibdə görüşü Dolmabağça sarayında keçirilir.

Paşinyanı səfərdə XİN rəhbəri Ararat Mirzoyan, XİN rəhbərinin müavini Vahan Kostanyan, parlamentin vitse-spikeri, Türkiyə ilə münasibətlərin normallaşması prosesində Ermənistanın xüsusi nümayəndəsi Ruben Rubinyan müşayiət edir.