ABŞ Quamda B-2 strateji bombardmançılarını yerləşdirir

ABŞ-nin altı B-2 gizli bombardmançı təyyarəsi bu gün axşam saatlarında Missuri ştatındakı Uaytmen Hərbi Hava Qüvvələri bazasından İsrail və İran arasında münaqişə fonunda Sakit okeanın Quam adasındakı ABŞ Hərbi Hava Qüvvələri bazasına qalxıb.Bu barədə N12 telekanalı məlumat yayıb.

ABŞ Prezidenti Donald Tramp İranın nüvə proqramına zərbə endirmək imkanlarını araşdırır. Onun şənbə günü məsələni nəzərdən keçirmək üçün milli təhlükəsizlik komandası ilə daha bir görüş keçirəcəyi gözlənilir.

B-2 bombardmançı təyyarəsi yerin dərinliklərində yerləşən hədəfləri məhv etmək üçün nəzərdə tutulmuş ABŞ GBU-57 hava bombası ilə təchiz oluna bilər. Mütəxəssislərin fikrincə, bu mərmi təxminən 90 metr dərinlikdə yerləşən Fordodakı nüvə obyektini vurmaq üçün istifadə edilə bilər.