ABŞ-nin Bəhreyn, Küveyt və Qətərdəki bazalarında hava hücumu xəbərdarlığı elan edilib - Yenilənib

ABŞ-nin Bəhreyn, Küveyt və Qətərdəki bazalarında hava hücumu xəbərdarlığı elan edilib.Bu barədə İranın dövlət televiziya və radio şirkəti məlumat yayıb.

ABŞ-nin İraqdakı bazasında da partlayışlar olduğu bildirilir.

Bundan əvvəl İranın “Qələbə xəbərləri” əməliyyatı həyata keçirdiyi və bu əməliyyat çərçivəsində digər ölkələrdəki ABŞ hərbi obyektlərinə cavab zərbələri endirildiyini bildirilib.

***

Qətər hava hücumundan müdafiə qüvvələri ABŞ-nin “Əl-Udeid” hərbi bazasına raket hücumunun qarşısını alıb.Bu barədə “Əl-Cəzirə” televiziyası müdafiə nazirinə istinadən məlumat yayıb.

Bildirilib ki, hücum zamanı ölən və ya yaralanan yoxdur.

***

İran ABŞ-ın Qətərdəki bazalarına 10 raket zərbəsi endirib.Bu barədə “Axios” nəşri məlumat yayıb.

Hazırda paytaxt Dohada partlayış səslərinin eşidildiyinə dair iddialar var.

Hava hücumundan müdafiə sistemlərinin işə düşdüyü bildirilir