Fransada çimərlik və parklarda siqaret çəkmək qadağan olunur

Fransada 29 iyun bazar günündən etibarən çimərliklərdə, parklarda, ictimai bağlarda və avtobus dayanacaqlarında siqaret çəkmək qadağan ediləcək.Bu barədə AFP agentliyi xəbər yayıb.

Fransa hökumətinin şənbə günü rəsmi qəzetdə dərc etdiyi sərəncama əsasən, qadağa həmçinin kitabxanalar, hovuzlar və məktəblərin yaxınlığındakı əraziləri də əhatə edir.

Yeni tədbir uşaqları passiv siqaret tüstüsündən qorumaq məqsədi daşıyır.

Qaydaları pozan şəxslər 135 avro məbləğində cərimə olunacaqlar.