NATO sammiti 2026-cı ildə Ankarada keçiriləcək

2026-cı ildə NATO sammiti Ankarada təşkil olunacaq.Bu barədə Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra məlumat verib.

“Haaqada keçirilən son sammitdə bizim üçün əhəmiyyətli bir qərar qəbul edildi – növbəti sammit ölkəmizdə keçiriləcək. Türkiyə 2026-cı ilin iyul ayında NATO-ya üzv ölkələrin dövlət və hökumət başçılarının sammitinə ev sahibliyi edəcək. Biz alyans liderlərini paytaxtımız Ankarada qəbul edəcəyik. Çox vacib qərarların qəbul olunması üçün zəmin hazırlayacağıq”, – deyə Ərdoğan bildirib.