Tramp Suriyaya qarşı sanksiyaları ləğv edib

ABŞ Prezidenti Donald Tramp iyulun 1-dən etibarən Suriyaya qarşı tətbiq olunan sanksiya proqramını ləğv edən sərəncam imzalayıb. Bu barədə Ağ Ev məlumat yayıb.

Prezident həmçinin dövlət katibi Marko Rubioya Suriyanın “terrora dəstək verən dövlət” kimi statusunun yenidən qiymətləndirilməsini tapşırıb.

“Sərəncam Suriyanın sabitlik və sülh yolunu dəstəkləmək üçün sanksiyaları ləğv edir,” –  bəyanatda bildirilir.

Bəşər Əsəd, onun yaxın çevrəsi, insan hüquqlarını pozanlar, narkotik alverçiləri və kimyəvi silah proqramı ilə əlaqəli şəxslərə qarşı sanksiyalar qüvvədə qalır.

Tramp mayın 4-də Səudiyyə Ərəbistanının Ər-Riyad şəhərində Suriyanın müvəqqəti prezidenti Əhməd Əş-Şəraa ilə görüşüb. Bu, iki ölkə liderləri arasında son 25 ildə ilk rəsmi görüş olub.

N.Təbrizli