Yerevana uçan təyyarə Moskvaya qayıdıb

Utair aviaşirkətinə məxsus UT785 saylı Moskva–Yerevan reysi havaya qalxdıqdan 2,5 saat sonra texniki nasazlıq səbəbilə Vnukovo hava limanına geri qayıdıb. Bu barədə sərnişinlər və aviaşirkət nümayəndələri məlumat verib.

Sərnişinlərin sözlərinə görə, təyyarə saat 21:00 radələrində havaya qalxıb, lakin iki saatdan sonra ekipaj "uçuş məhdudiyyətləri" səbəbilə geri dönüş qərarı barədə elan verib.

Daha sonra Utair nümayəndəsi bildirib ki, təyyarədə texniki problem aşkarlanıb və bu səbəbdən enişdən əvvəl yanacağın sərf olunması tələb olunub.

Hazırda sərnişinlər texniki işlərin başa çatmasını və növbəti uçuş barədə məlumatı gözləyirlər.

N.Təbrizli