Türkiyədə jurnalist Timur Soykan sərbəst buraxılıb

Türkiyədə dünən saxlanılan jurnalist Timur Soykan polis prosedurlarının tamamlanmasından sonra məhkəməyə çıxarılıb və sərbəst buraxılıb. Bu barədə  CNN Türk kanalı məlumat yayıb.

Məhkəmənin qərarına əsasən, o, həftədə üç dəfə qeydiyyatdan keçməli və ölkəni tərk etməməlidir.

İstanbul Baş Prokurorluğu Soykanı sosial şəbəkə “X”də dezinformasiya yaymaqda ittiham edirdi. Onun barəsində başlanmış cinayət işi istintaq altındadır.

Soykanın müvəqqəti sərbəst buraxılması mətbuat azadlığı ilə bağlı müzakirələri yenidən gündəmə gətirib.