Bolqarıstanın pul vahidinin 2026-cı ildən avroya keçməsi təsdiqlənib

Avropa İttifaqı Bolqarıstanın pul vahidinin 2026-cı ildən avroya keçməsini təsdiqləyib.Bu barədə Aİ-nin rəsmi səhifəsində məlumat yayılıb.

Bildirilib ki, Aİ Bolqarıstanın pul vahidinin avroya keçməsi ilə bağlı müraciətini böyük səs çoxluğu ilə qəbul edib.

Çərşənbə axşamı keçirilən səsvermədə 531 deputat lehinə, 69-u əleyhinə, 79-u isə bitərəf səs verib. Bu, ölkənin avroya keçid üçün lazım olan bütün tələbləri yerinə yetirdiyini təsdiqləyən hesabatın qəbulunu rəsmiləşdirib.

Səsvermə Bolqarıstanda son həftələrdə avroya keçidə qarşı təşkil olunan kütləvi etiraz aksiyalarının fonunda baş tutub.