Kelloqa Rusiyanın hərbi potensialıbarədə tam məlumat veriləcək - Zelenski

ABŞ-ın prezidenti Donald Trampın xüsusi nümayəndəsi Kit Kellog bu gün Ukraynaya səfər edəcək və  ona Rusiyanın hərbi potensialı, eləcə də Ukraynanın gələcək imkanları barədə ətraflı məlumat təqdim olunacaq. Bu barədə prezident Volodimir Zelenski bazar günü bildirib.

Axşam müraciətində Zelenski Silahlı Qüvvələrin Baş Komandanı Oleksandr Sırski və Baş Qərargah rəisi Andriy Hnatova göstəriş verdiyini  və ABŞ nümayəndəsi üçün əhatəli hesabatların  hazırlanacağını da bildirib.

“Kellog üçün Təhlükəsizlik Xidməti və kəşfiyyat orqanlarının rəhbərliyi ilə görüşlər də təşkil ediləcək. Məlumat tam olacaq,” — Zelenski vurğulayıb.

Prezident bundan əvvəl Müdafiə naziri Rustem Umerov və hərbi komandanlıqla cəbhə xəttindəki vəziyyətlə bağlı iclas keçirib.

N.Təbrizli