“Emirates” Dubaydan Dəməşqə uçuşları bərpa edib

Birləşmiş Ərəb Əmirliklərinə məxsus “Emirates” aviaşirkətinin təyyarəsi 2012-ci ildən bəri ilk dəfə Dəməşqə eniş edib.Bu barədə Suriyanın SANA agentliyi xəbər verib.

"Emirates” Suriyadakı münaqişə ilə əlaqədar olaraq 2012-ci ildə Dəməşqə uçuşları dayandırmışdı. İyunun 2-də aviadaşıyıcı Dəməşqə uçuşların iyulun 16-dan bərpa olunacağını elan edib. İlk mərhələdə uçuşlar həftədə üç dəfə həyata keçiriləcək, avqustun 2-dən cədvələ daha bir reys əlavə olunacaq, oktyabrın 26-dan isə aviaşirkət Dəməşqə gündəlik uçuşlar həyata keçirməyi planlaşdırır.