ABŞ-ın yardım paketindən sonra ilk Patriot sistemi Ukraynaya çatdırılıb — The Telegraph

ABŞ-ın yeni hərbi yardım paketi çərçivəsində vəd etdiyi ilk Patriot zenit-raket kompleksi raketlərlə birlikdə artıq Ukraynaya çatdırılıb. Bu barədə The Telegraph məlumat verib.

İyulun 13-də ABŞ-ın sabiq prezidenti Donald Tramp Ukraynaya 10 milyard dollar dəyərində yeni yardım paketi ayıracağını bəyan edib.

Nəşrin məlumatına görə, bir neçə gün ərzində Patriot sistemi və raketlər Almaniya ilə razılaşma çərçivəsində Ukraynaya göndərilib.

The Telegraph yazır ki, Vaşinqton bu addımı Avropa müttəfiqlərinə siqnal olaraq istifadə edir — ABŞ öz ehtiyatlarını bərpa etməyə hazırdır və Avropadan da eyni addımları gözləyir.

Lakin bəzi ölkələr Patriot raketlərinin əvəzlənməsini yalnız gələn ilin əvvəlində ala biləcəklər.

Bundan əvvəl Almaniya və ABŞ Ukraynaya daha beş Patriot batareyasının verilməsi barədə razılıq əldə edib. Onlardan ikisini Berlin, birini isə Norveç maliyyələşdirəcək.

Prezident Volodimir Zelenski Ukraynanın on Patriot sistemindən yalnız üçü ilə bağlı razılıq əldə etdiyini bildirib.

N.Təbrizli