Trampın xüsusi nümayəndəsi Uitkoff avqustun 6-da Moskvaya səfər edəcək

ABŞ prezidenti Donald Trampın xüsusi nümayəndəsi Stiven Uitkoffun avqustun 6-da Rusiya rəhbərliyi ilə görüş üçün Moskvaya gələcəyi gözlənilir, səfərlə tanış mənbə bildirib.

ABŞ Dövlət Departamenti bu həftə Uitkoffun Rusiyaya səfər edəcəyini təsdiqləsə də, səfərin gündəliyini açıqlamayıb. "Prezident Tramp əvvəllər xüsusi nümayəndə Uitkoffun Rusiyaya gedəcəyini demişdi. Biz bunu təsdiqləyə bilərik. Səfər proqramı ilə bağlı əlavə məlumatım yoxdur", — Dövlət Departamentinin sözçüsü Təmmi Brüs bildirib.

Aviasiya mənbələrinin məlumatına görə, Uitkoffun olduğu ehtimal edilən təyyarə çərşənbə axşamı axşam saatlarında ABŞ-dan havaya qalxıb.

N.Təbrizli