Paşinyan Makronla sülh sazişi və regional əməkdaşlıq müzakirə edib

Ermənistan Baş naziri Nikol Paşinyan ilə Fransa Prezidenti Emmanuel Makron arasında telefon danışığı baş tutub.

Danışıqlar zamanı Paşinyan 2019-cu il avqustun 8-də ABŞ paytaxtı Vaşinqtonda aparılan danışıqların nəticələrini, o cümlədən Ermənistan və Azərbaycan arasında sülh və dövlətlərarası münasibətlər haqqında sazişin paraflanmasını, ATƏT-in Minsk Qrupunun mexanizmlərinin ləğvi ilə bağlı ATƏT-ə birgə müraciəti, regional kommunikasiya kanallarının açılmasını təqdim edib.

Baş nazir vurğulayıb ki, qurulan sülh Ermənistanda və regionda yeni investisiya imkanları yaradıb.

Həmsöhbətlər ikitərəfli və beynəlxalq gündəmlər üzrə fəal siyasi dialoqun davam etdirilməsi üzrə razılığa gəliblər. Paşinyan Makrona davamlı dəstəyinə görə təşəkkür edib.