Putin–Tramp görüşü Alyaskada hərbi təlimlərlə üst-üstə düşür

ABŞ Prezidenti Donald Tramp və Rusiya Prezidenti Vladimir Putin arasında  avqustun 15-də  Ankoricdə yerləşən Elmenorf-Riçardson birgə hərbi bazasında keçiriləcək görüş ABŞ ordusunun genişmiqyaslı təlimləri ilə eyni vaxta təsadüf edir. Bu barədə Anchorage Daily News məlumat yayıb.

Bazada hazırda iki paralel hərbi təlim — Northern Edge və Arctic Edge 2025 — keçirilir və burada əvvəlkindən daha çox şəxsi heyət, texnika və aviasiya iştirak edir.

Baza və qoşun hissələrinin mətbuat xidmətləri təlimlərin cədvəli və giriş rejimi ilə bağlı mümkün dəyişiklikləri şərh etməkdən imtina edərək bütün sualları Ağ Evə yönləndiriblər.

Arctic Edge 2025 təlimləri NORAD – Şimali Amerika Hava Hücumundan Müdafiə Komandanlığı tərəfindən təşkil olunub və avqustun 1-dən ayın sonunadək davam edəcək.

Keçən həftə Kremlin və Ağ Evin açıqlamalarında Putin–Tramp görüşünün Alyaskada keçiriləcəyi təsdiqlənib.

Avqustun 12-də Ağ Evin mətbuat katibi Karolin Leavitt görüşün Ankoricdə baş tutacağını bildirib. CNN isə görüşün Elmenorf-Riçardson hərbi bazasında keçiriləcəyini yazıb.

Əvvəlki məlumatlara görə, Arctic Edge 2025 təlimləri çərçivəsində Alyaskadan Rusiya istiqamətində aerostat buraxılıb.

N.Təbrizli