Husilər BMT-nin puluna alınan tankerdə Rusiya nefti daşıyır – WSJ

 BMT-nin 2023-cü ildə Yəmən sahillərində ekoloji fəlakətin qarşısını almaq məqsədilə aldığı “Yəmən” adlı tanker husilər tərəfindən Rusiya neftinin sanksiyalardan yayınaraq daşınmasında istifadə olunur. Bu barədə  The Wall Street Journal qəzeti yazıb.

Demokratiyanın Müdafiəsi Fondundan olan analitiklər bildirirlər ki, 2024-cü ilin əvvəlindən etibarən bu gəmi ilə 1 milyon bareldən çox Rusiya nefti daşınıb. Rəsmi olaraq Yəmən hökumətinə təhvil verilsə də, tanker husilərin nəzarətindədir.

BMT hazırda da tankerin aylıq texniki xidmətinə 450 min dollar ayırır.

Ekspertlər ABŞ administrasiyasını tankeri husi aktivləri siyahısına daxil etməyə və ikinci dərəcəli sanksiya altına almağa çağırıblar.

N.Təbrizli