ABŞ İrana qarşı yeni sanksiyalar tətbiq edib

ABŞ Maliyyə Nazirliyi İran nefti və neft məhsullarının tədarükünü təşkil etməkdə ittiham olunan yunan əsilli fiziki şəxs Antonios Marqaritis və ona bağlı şəbəkəyə qarşı sanksiya elan edib. Eyni zamanda 13 hüquqi şəxs və 8 tanker sanksiya siyahısına daxil edilib.

Sanksiyalar Hong Kong, Çin, BƏƏ və Marşal Adalarında yerləşən şirkətləri, o cümlədən Ares Shipping Limited (Hong Kong), Comford Management (Marşal Adaları) və Hong Kong Hangshun Shipping Limited adlı şirkətləri əhatə edir.

Dövlət Departamenti həmçinin Çin ərazisində fəaliyyət göstərən iki terminal və anbar operatorunu da sanksiya siyahısına əlavə edib. Onlar İran neftinin qeyri-qanuni daşınmasına şərait yaratmaqda ittiham olunurlar.