Ərdoğan Zəngəzur dəhlizindən danışıb

Türkiyə Prezidenti Rəcəb Tayyib Ərdoğan bildirib ki, Türkiyə, Azərbaycan və Ermənistan arasında iqtisadi əməkdaşlıq yalnız Zəngəzur dəhlizi layihəsi tam reallaşdıqdan sonra yeni mərhələyə keçə bilər.

“Report”un məlumatına görə, Ərdoğan bu barədə Nazirlər Kabinetinin iclasından sonra çıxışında danışıb. Onun sözlərinə görə, Zəngəzur dəhlizi təkcə iqtisadi layihə deyil, həm də region üçün sülh təşəbbüsüdür.

Ərdoğan qeyd edib ki, 224 kilometrlik Qars-İğdır-Aralık-Dilucu dəmir yolu xətti dəhlizin əsas sütununu təşkil edəcək. “Bu xətt iki xətli olacaq, elektrikləşdiriləcək və siqnalizasiya sistemi ilə təchiz ediləcək. İldə 5,5 milyon sərnişin və 15 milyon ton yük daşınacaq”, – deyə o vurğulayıb.

Türkiyə lideri əlavə edib ki, dəyəri 2,4 milyard avro olan layihə istifadəyə verildikdən sonra Çindən Böyük Britaniyaya beynəlxalq ticarət marşrutu daha səmərəli olacaq və eyni zamanda Xəzər dənizi ilə Aralıq dənizini birləşdirəcək.

Gülnar