Rusiya Ukrayna münaqişəsinin diplomatik həllində Trampın səylərini alqışlayır

Moskva Ukraynada münaqişənin sülh yolu ilə həllinə yönəlmiş diplomatik səylərini davam etdirir və bu prosesdə ABŞ prezidenti Donald Trampın vasitəçilik təşəbbüslərini yüksək qiymətləndirir. Bunu Rusiya prezidenti Vladimir Putinin mətbuat katibi Dmitri Peskov bildirib.

"Rusiya münaqişənin siyasi və diplomatik yollarla həllinə öz yanaşmasını saxlayır. Lakin bu, Ukraynadan qarşılıqlı münasibət tələb edir", –  Peskov "RIA Novosti"yə verdiyi müsahibədə bildirib.

Peskov qeyd edib ki, Moskva Trampın sülhməramlı səylərini müsbət qarşılayır:

“Biz ABŞ prezidentinin bu istiqamətdəki təşəbbüslərini yüksək qiymətləndiririk və ümid edirik ki, onlar davam edəcək. Bu səylər münaqişənin nizamlanmasına töhfə verə bilər”.

Rusiya rəsmisinin sözlərinə görə, Moskva və Vaşinqton arasında Ukrayna ilə bağlı təmaslar qeyri-ictimai formatda aparılmalıdır: “Yalnız bu yolla real nəticələr əldə etmək olar”.

Peskov həmçinin Alyaskada baş tutan Putin-Tramp görüşünə də toxunub və bildirib ki, müzakirələrdə Ukrayna münaqişəsinin həlli məsələləri əsas mövzulardan biri olub:
“Bu, Rusiyanın apardığı işin və Tramp administrasiyasının sülhməramlı səylərinin davamı idi”, – o deyib.

Gülnar