Rusiyada yığılan vergilərin yarısı müharibəyə xərclənir — ARAŞDIRMA

 Rusiyanın dövlət büdcəsinə daxil olan vergilərin yarıdan çoxu Ukraynaya qarşı müharibənin maliyyələşdirilməsinə yönəldilir. Bu barədə Almaniyanın Beynəlxalq və Təhlükəsizlik Məsələləri üzrə İnstitutunun Rusiya Federasiyasının “Elektron büdcə” sistemi əsasında apardığı təhlildə bildirilir.

2025-ci ilin ilk rübündə hərbi xərclər büdcə gəlirlərinin 50,1 faizini, ikinci rübdə isə 48,2 faizini təşkil edib. Müqayisə üçün, bu göstərici 2022-ci ildə 24,4 faiz, 2023-cü ildə 32,05 faiz, 2024-cü ildə isə 39,05 faiz olub.

Rusiya hökuməti yanvar–iyunda 17,6 trilyon rubl gəlir toplayıb, lakin 21,3 trilyon rubl xərcləyib. Müdafiə xərcləri bu dövrdə 8,5 trilyon rubl olub ki, bu da ötən illərlə müqayisədə rekord göstəricidir.

N.Təbrizli