Erməni konsul casusluqda şübhəli bilinərək Avstriyada saxlanılıb

Ermənistan Respublikasının (ER) diplomatik korpusunda yüksək səviyyəli insident baş verib. ER-in konsulu Aşken Aleksanyan Ermənistana qayıdarkən Avstriyada saxlanılıb. Onun üzərində sənədlər aşkar edilib və Aleksanyan Azərbaycanın xeyrinə casusluqda şübhəli bilinib. Bu barədə Ermənistanın Hraparak nəşri yazıb. 

Nəşr bildirir ki, hadisədən dərhal sonra Ermənistanın Milli Təhlükəsizlik Xidmətinin (SNB) əməkdaşları Xarici İşlər Nazirliyinin binasında axtarış aparıb, kompüter və sənədləri yoxlayıblar. Məsələ ictimai qalmaqala çevrilməməsi üçün Aleksanyanın həbsi ictimaiyyətə açıqlanmayıb.

Məlumata görə, Aşken Aleksanyanın təyinatı və ona dair məlumatlar sonradan internet və açıq mənbələrdən silinib.

Xarici İşlər Nazirliyinin keçmiş əməkdaşı “Hraparak”a açıqlamasında Aşken Aleksanyanı əvvəllər dövlət qulluqçusu kimi tanıdığını və onun sonradan diplomatik status aldığını bildirib.

Gülnar