Dağıstanda yanacaqdoldurma məntəqəsində partlayış olub

Dağıstanın Xasavyurt rayonunda yanacaqdoldurma məntəqəsində partlayış baş verib.Bu barədə "Baza" Telegram kanalı məlumat yayıb.

İlkin məlumata görə, dörd nəfər müxtəlif dərəcəli yanıq xəsarətləri alıb və xəstəxanaya yerləşdirilib.

SHOT teleqram kanalının məlumatına görə, hadisə qazın köçürülməsi zamanı tutumun hermetikliyi pozulduqda baş verib. Partlayışdan sonra yaxınlıqdakı ot tayası və qəbiristanlıqda da yanğın başlayıb.

Faktla bağlı Dağıstan Prokurorluğu araşdırmaya başlayıb. Hadisənin səbəbləri və şəraiti dəqiqləşdirilir.