Tramp Kamala Harrisin mühafizə imtiyazını ləğv edib

ABŞ prezidenti Donald Tramp keçmiş vitse-prezident Kamala Harrisin xüsusi xidmət orqanları tərəfindən mühafizəsinin ləğvi barədə göstəriş verib. Bu barədə CNN telekanalı məlumat yayıb.

Federal qanunlara əsasən, ABŞ-da keçmiş prezidentlər ömürlük, vitse-prezidentlər isə istefadan sonra altı ay müddətində xüsusi xidmət mühafizəsi ilə təmin olunurlar.

CNN-in məlumatına görə, Kamala Harrisin bu hüququ 6 aylıq müddət başa çatdıqdan sonra bir il müddətinə uzadılmışdı.

Trampın bu qərarı ilə Harrisin mühafizəsinə dair uzadılma müddəti ləğv edilib.