ABŞ administrasiyası çinli jurnalistlər üçün viza müddətini məhdudlaşdırmağı təklif edir

ABŞ Prezidenti Donald Trampın administrasiyası Çin vətəndaşı olan jurnalistlər üçün viza müddətini 90 günlə məhdudlaşdırmağı təklif edir. Bu barədə Bloomberg agentliyi məlumat yayıb.

Yeni qaydalara əsasən, çinli jurnalistlərə yalnız üç aya qədər ABŞ-da qalmağa icazə veriləcək və bu müddətin uzadılması xüsusi icazə ilə mümkün olacaq. Hazırda digər ölkələrdən olan jurnalistlər üçün qüvvədə olan və onların ölkədə 240 günə qədər qalmasına şərait yaradan sistemin də dəyişdirilməsi nəzərdə tutulur.

Təklif olunan məhdudiyyətlər, ABŞ-ın aprel ayında Çin rəsmilərinə qarşı tətbiq etdiyi viza sanksiyalarının davamı kimi qiymətləndirilir. Vaşinqton Pekini xarici diplomatların və jurnalistlərin Tibetə girişinə maneə yaratmaqda ittiham edir.